ShQO-da ákim saılaýyna 300-den astam táýelsiz baqylaýshy qatysady
«Partııalyq emes baqylaý ortalyǵy» respýblıkalyq qoǵamdyq birlestiginiń Shyǵys Qazaqstan fılıaly resmı túrde jaqynda ǵana tirkeldi.
Osyǵan qaramastan, Parlament Májilisi depýtattarynyń aldyńǵy saılaýynda ShQO-daǵy partııalyq emes baqylaý ortalyǵy bastamashyl top retinde tabysty jumys istedi.
Qazirgi ýaqytta óńirlik shtab 25 shildede barlyq saılaý ýchaskelerinde jumys isteıtin 300-den astam baıqaýshyny oqytýda.
- 25 shildede bizde aýyl ákimderiniń alǵashqy saılaýy ótedi. Bul saılaý halyqtyń bılikke degen senimin, bıliktiń óz qyzmetine jaýapkershiligin arttyrýy kerek. Saılaý protsesi ashyq bolýy úshin, barlyǵy zańǵa sáıkes ótýi úshin biz baqylaýshylardy daıyndaımyz, - deıdi «Partııalyq emes baqylaý ortalyǵy» respýblıkalyq QB oblystyq fılıalynyń tóraıymy Aıaýjan Áshimova.
Onyń aıtýynsha, baqylaýshy bolǵysy keletinderge qoıylatyn birinshi jáne eń mańyzdy talap - protseske qyzyǵýshylyq tanytý.
– Aldyńǵy saılaý bizde saılaý protsesine qatysqysy keletin belsendi azamattar kóp ekenin kórsetti. Qazirgi ýaqytta bizdiń baqylaýshylarymyz arnaıy oqytýdan ótip, osy úderisterge qatysty óz bilimderin shyńdaýda. Bizdiń maqsatymyz - baqylaýshylardyń ózderi zańdy buzbaýy jáne quqyqtardy ǵana emes, sonymen qatar, ártúrli jaǵdaılarda qalaı áreket etý kerektigin de bilýi. Bizde tórtinshi sabaq ótti. Beınekonferentsııalar ótkizemiz, messendjerler arqyly jumys isteımiz, – dedi Aıaýjan Áshimova.
Eger saılaý ýchaskesinde baqylaýshylar qandaı da bir buzýshylyqtardy tirkegen jaǵdaıda, olar bul týraly óńirlik shtabqa dereý habarlaýǵa tıis.
Onda zańgerler men jattyqtyrýshylar odan ári is-qımyl jasaý týraly sheshim qabyldaıdy.
Jalpy, Qazaqstan boıynsha bir mezgilde 700-den astam aýyl ákiminiń saılaýy ótedi.
Respýblıkalyq partııalyq emes baqylaý ortalyǵy elimizdiń barlyq óńirlerinde resmı tirkelgen fılıaldar arqyly ýchaskelerde saılaý protsesine baqylaý júrgizýdi josparlap otyr.