ShQO-da 4 myńnna astam jer úıdiń peshinen aqaý anyqtaldy

Shyǵys Qazaqstan oblysyndaǵy jer úılerde peshti talapqa saı paıdalanbaýǵa qatysty 4000-nan astam buzýshylyq anyqtaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oblysta jylytý maýsymyna daıyndyq jumystary júrgizilýde. Osy oraıda, qutqarýshylar úılerdi aralap, halyqqa elektr qurylǵylary men peshti qaýipsiz paıdalaný erejelerin túsindirip jatyr.

Osy ýaqytqa deıin barlyǵy 9000-ǵa jýyq úı qamtylǵan. Nátıjesinde, peshti talapqa saı paıdalanbaýǵa qatysty 4000-nan astam buzýshylyq tirkeldi. Árbir jaǵdaı boıynsha azamattarǵa tıisti nusqaýlyq berildi.

«Peshterdi jylytý kezeńine daıyndaýdan bólek, úıdegi qaýipsizdik úshin ýly gazdy anyqtaıtyn datchıkti ornatqan jón. Bul gaz taraǵany jaıly úı ıelerine ýaqtyly eskertedi. Sonyń arqasynda adam ómirin saqtap qalady. Jyl saıyn departament qyzmetkerleri osy aspaptardy kópbalaly otbasylardyń, jalǵyzbasty zeınetkerlerdiń, múmkindigi shekteýli jandar men az qamtylǵan januıalardyń úılerine ornatýda», - deıdi TJD memlekettik órt baqylaý basqarmasynyń bastyǵy Nurjan Ómirjanov.

Sońǵy 4 jylda datchıkter 37 adamdy, onyń ishinde 28 balany qutqaryp qalǵan.