ShQO-da 4 keli marıhýana tárkilenip, kúdiktige qatysty is qozǵaldy

ASTANA. KAZINFORM — ShQO-da polıtseıler men oblystyq prokýratýra Glýbokoe aýdanynyń 22 jastaǵy turǵynyn esirtkini zańsyz saqtap, ósirdi degen kúdikpen ustady, dep habarlaıdy Polisia.kz.

Tártip saqshylary jedel tintý barysynda kúdiktiniń úıiniń aýmaǵynan ózine tán ıisi bar ósimdik butalaryn ańǵarǵan.

Sonymen qatar shyny banka men keptirilgen ósimdik salynǵan qap, metall tabaqshalar men ydys-aıaq tabyldy.

Budan bólek ósimdikter salynǵan keptirgish mashına tárkilendi.

— Saraptama nátıjesine sáıkes, tárkilengen zattyń marıhýana ekenin anyqtady. Psıhotroptyq zattyń salmaǵy 4 kelini qurady. Buǵan qosa, sarapshylar 1,2 kelini quraıtyn kannabıs retinde tanyǵan ósimdik butasyn anyqtady. Atalǵan faktiler boıynsha kúdiktige qatysty sotqa deıingi tergeý jumystary júrip jatyr, — delingen habarlamada.

Budan buryn Kazinform tilshisi Mańǵystaý oblystyq psıhıkalyq densaýlyq ortalyǵynyń dırektory Mádı Toqanovpen suhbattasyp, esirtkige táýeldi naýqastar sanynyń artýyna ne sebep ekenin anyqtap kórdi.