ShQO-da 30-ǵa jýyq dáriger biliktilik arttyrý úshin Izraılge attandy
Aımaq basshysy Danıal Ahmetov Óskemende salynyp jatqan gematologııa ortalyǵyna mamandar daıarlaý máselesi boıynsha jınalys ótkizdi.
«Bul elimizdegi biregeı kópfýnktsıonaldy medıtsınalyq mekeme bolmaq. Onda zamanaýı dıagnostıkalyq, zerthanalyq jáne basqa da jabdyqtar ornatylady. Onyń tilin túsinetin medıtsınalyq qyzmetkerlerimizdiń bolýy shart. Osyǵan baılanysty men densaýlyq saqtaý basqarmasynyń basshysyna shtattyq keste qurýdy tapsyrdym», - dedi oblys ákimi.
Atalǵan kestege sáıkes dárigerler men qyzmetkerlerge medıtsınalyq tehnıkanyń belgili bir túrlerimen jumys isteý úıretiledi. Nátıjesinde ortalyq ashylǵannan keıin olar birden tolyqtaı jumysqa kirisedi.
«Búginde oqý baǵdarlamamyz boıynsha 29 dáriger biliktiligin arttyrý úshin Izraılge attandy. Olardyń birnesheýi balalar onko-gematologııasy boıynsha jumys isteıtin bolady. Basqa mamandar Sankt-Peterbýrg, Mınsk klınıkalary men ýnıversıtetterine oqýǵa barady. Budan bólek, biz 4-shi qalalyq aýrýhana bazasynda gematologııa ortalyǵynyń qajettiligine oraı kovıdtik bólimsheler men statsıonarlarda jumys istegen medbıkelerdi qaıta oqytatyn ortalyq ashamyz. Osylaısha, bul medıtsınalyq mekemede joǵary tehnologııalyq jabdyqtar ǵana emes, bilikti qyzmetkerler de bolady», - dedi Danıal Ahmetov.
