ShQO-da 26 jastaǵy jigitten gashıshtiń iri partııasy tárkilendi
ShQO Polıtsııa departamenti baspasóz qyzmetiniń málimetine súıensek, Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary barysynda Glýbokoe aýdanynyń 26 jastaǵy turǵynyn ustady.
«Kúdiktiniń «Nissan» markaly avtokóliginen jasyl tústi untaq tárizdi zat salynǵan 24 polımer túıinshek tabyldy. Sondaı-aq onyń úıi men monshasyn tintý kezinde ızolentamen oralǵan osyndaı 59 túıinshek tárkilendi. Saraptama qorytyndysyna sáıkes, bul «Gashısh» esirtkisi. 100 dozanyń jalpy salmaǵy 408,2 gramm. Onyń «qara naryqtaǵy» baǵasy – 664 myń teńge», - dedi basqarma bastyǵy Narıman Kúldikov.
Belgili bolǵandaı, er adam eshqandaı deldalsyz, jalǵyz jumys istegen. Telegram messendjeri arqyly tapsyrys qabyldap otyrdy. Qazirgi ýaqytta kúdikti ýaqytsha ustaý ızolıatoryna qamaldy. Atalǵan fakti boıynsha Qylmystyq kodekstiń 297-baby 3-bóligi 3-tarmaǵyna sáıkes sotqa deıingi tergeý amaldary bastaldy.
