ShQO-da 11 sheteldik qurylysta zańsyz jumys istep júrgen
ÓSKEMEN. KAZINFORM – Shyǵys Qazaqstan oblysy Samar aýdanynda qurylysta zańsyz jumys istep júrgen 11 sheteldik anyqtaldy.
Samar aýylynda kóshi-qon qyzmetiniń mamandary ýákiletti organnyń ruqsatynsyz jeke turǵyn úılerde qurylys jumystaryna tartylǵan kórshi elderdiń 11 azamatyn anyqtaǵan.
«Qazirgi ýaqytta atalǵan buzýshylyq úshin olar QR «Ákimshilik quqyq buzýshylyq týraly» kodeksiniń 517-baby 5-bóligimen ákimshilik jaýapkershilikke tartyldy. Sheteldikterge 25 AEK (92 300 teńge) aıyppul jáne 1-den 3 táýlikke deıingi merzimge qamaýǵa alý túrindegi jaza qoldanylady», - dep habarlady ShQO polıtsııa departamentinen.
Al jumys berýshiler sheteldik jumys kúshin zańsyz tartqany úshin memleket kirisine 30 AEK (110 760 teńge) mólsherinde aıyppul tóleıdi.
Osy rette, ShQO PD kóshi-qon qyzmeti ýákiletti organnyń ruqsatynsyz Qazaqstan aýmaǵynda ýaqytsha bolatyn sheteldik azamattardy jumysqa tartýǵa tyıym salynǵanyn eskertedi.
