ShQO-da 1027 referendým ýchaskesi jumys istep tur

ÓSKEMEN. QazAqparat – Shyǵys Qazaqstan oblysynda 1027 daýys berý ýchaskesi jumys istep tur, dep habarlaıdy QazAqparat tilshisi.

Óńirde respýblıkalyq referendýmda daýys berý bastaldy. Oblys boıynsha tańǵy 7-de 1027 daýys berý ýchaskesi ashyldy. Onyń ishinde Óskemen qalasynda 120 ýchaske jumys istep tur.

ShQO-da 911 455 adam referendýmǵa qatysýǵa quqyly. ShQO aýmaqtyq referendým komıssııasyna 9114 azamat turǵylyqty jerinen basqa eldi mekende daýys berýge ruqsat alǵan.

Oblystyq Aqparat ortalyǵynyń málimetine súıensek, daýys berý ýchaskelerine kelip jatqan halyq sany az emes. Olardyń jas erekshelikteri de ártúrli. Máselen, Ulan aýdanynda 88 jastaǵy Qasenjar Eskendirov pen 85 jastaǵy Shamzada Eskendirova óz tańdaýyn jasady.

«Bul kúndi biraz kúttik. Konstıtýtsııaǵa usynylǵan túzetýlerdi oqyp shyqtym. Referendýmnyń mańyzdylyǵyn túsingendikten búgin daýys berýge kelip otyrmyz», - deıdi Qasenjar Eskendirov.