ShQO-da 1 mıllıon teńgeniń balyǵyn aýlaǵan brakonerler ustaldy

ÓSKEMEN. QazAqparat – Shyǵys Qazaqstan oblysy Kúrshim aýdanynda zańsyz balyq aýlaǵan 3 er adam quryqtaldy, dep habarlaıdy QazAqparat tilshisi.

ShQO Polıtsııa departamentiniń málimetine súıensek, aýdandyq prokýratýra ókilderi men tártip saqshylary birlesken reıd barysynda «Quıǵan-Kúrshim» tasjolynda «Nıva» kóligin toqtatqan. Tekserý kezinde anyqtalǵandaı, 24 jastaǵy er adam 391 keli balyqty zańsyz tasymaldaǵan. Osynyń saldarynan memleketke 529 000 teńgeden astam materıaldyq shyǵyn keldi.

«Sonymen qatar 8 sáýir kúni Buqtyrma sý qoımasynda tyıym salynǵan aýmen balyq aýlaǵan eki brakoner ustaldy. Olar Kúrshim aýylynyń 46 jáne 50 jastaǵy jumyssyz turǵyndary bolyp shyqty. Er adamdardan jalpy salmaǵy 236 keli tartatyn, 488 000 teńgeniń balyǵy tárkelindi», - dep habarlady vedomstvo ókilderi.

Qazirgi ýaqytta polıtsııa qyzmetkerleri atalǵan faktiler boıynsha tergeý amaldaryn júrgizýde.

Esterińizge sala ketsek, elimizde Memleket basshysynyń tapsyrmasymen brakonerlerge jaza kúsheıtilgen bolatyn.