ShQO basshylyǵy atom salasy qyzmetkerlerin quttyqtady
ÓSKEMEN. KAZINFORM – ShQO aýmaǵyndaǵy Úlbi metallýrgııa zaýytynda atom salasy qyzmetkerleriniń kásibı merekesine arnalǵan saltanatty jıyn ótti.
Іs-sharaǵa oblys ákiminiń orynbasary Erbol Nurǵalıev qatysyp, sala mamandaryn merekelerimen quttyqtap, birqatar azamatqa aımaq basshysynyń Alǵys hatyn tabystady.
– Bul sala elimiz úshin strategııalyq turǵydan erekshe mańyzǵa ıe. Sondyqtan sizderge artylyp otyrǵan jaýapkershilik óte zor. Atom salasynda naǵyz kásibı mamandar jumys isteý kerek dep oılaımyn. Qýanyshymyzǵa oraı, bizde mundaı bilikti maman az emes. Sizder kún saıynǵy qajyrly eńbekterińizben elimizdiń gúldenýine zor úles qosyp kelesizder. Barshańyzdy oblys ákimi Ermek Bedelbaıuly atynan osynaý merekelerińizben quttyqtaýǵa ruqsat etińizder, – degen E.Nurǵalıev artynsha sala mamandaryna oblys ákiminiń Alǵys hattarymen marapattady.
Bul kúni osyndaı marapatqa ıe bolǵandardyń ishinde «ÚMZ» AQ basqarma tóraǵasy Sergeı Bejetskıı de boldy. Onyń aıtýynsha, 2024 jyl atom salasy qyzmetkerleri úshin de aıtýly bolaıyn dep tur.
– Ózderińiz bilesizder, bıylǵy 6 qazanda respýblıkamyzda Atom elektr stansasyn salý máselesine qatysty jalpyhalyqtyq referendým ótetin bolady. Bizdiń sala mamandary úshin bul óte mańyzdy oqıǵa. Biz 70 jyldan astam ýaqyt beri ýranmen jumys istep kelemiz, jáne onyń artyqshylyqtary men kemshilikteri týraly jaqsy bilemiz. Óz tarapymyzdan tájirıbe bólisýge, mamandar daıyndaý isine atsalysýǵa daıynbyz, – degen S.Bejetskıı sala mamandarynyń eńbegin elep-eskergen oblys basshylyǵyn alǵysyn aıtty.
