ShQO aýyldaryna 100-ge jýyq dáriger jetispeıdi

ÓSKEMEN. KAZINFORM – Shyǵys Qazaqstan oblysyndaǵy aýyldarda dáriger tapshylyǵy máselesi ótkir bolyp tur. 

ShQO Densaýlyq saqtaý basqarmasynyń málimetine súıensek, búginde oblys boıynsha 152 dáriger tapshy. Onyń ishinde Óskemenge – 52, Rıdderge – 10, Serebrıansk qalasyna 15 dáriger qajet.

- Aýdandar boıynsha aıtar bolsaq, Altaıda 28, Shemonaıhada 10, Glýbokoe, Katonqaraǵaı, Úlken Naryn, Samar, Ulan, Tarbaǵataı jáne Marqakól aýdandaryna 7 dárigerden kerek. Aýyldarda jalpy tájirıbelik dáriger, akýsher-gınekolog, kardıolog, nevropatolog, oftalmolog, pedıatr, terapevt, anestezıolog-reanımatolog, klınıkalyq farmakolog, hırýrg jáne neırohırýrg tapshylyǵy sezilýde, - delingen aqparatta.

2024 jyly oblystaǵy 15 dárigerge 8,5 mln teńge kóleminde birjolǵy tólem, 100 AEK kóleminde kóterme járdemaqy tólenip, baspanamen qamtamasyz etildi.

- Sondaı-aq byltyr 44 maman Izraıl, Reseı, Germanııa jáne Latvııa elderiniń jetekshi sheteldik klınıkalarynda biliktilik arttyryp keldi. Bıyl taǵy 70 dárigerdi shetelde oqytý josparlanǵan, - delingen habarlamada.

Eske salsaq, buǵan deıin Oralda tirkelmegen jabdyq úshin medıtsına ortalyǵyna jarty mln teńge aıyppul salynǵany habarlanǵan.