ShQO ákimi Semeıdegi ardagerlermen kezdesti
Jeńis kúni qarsańynda óńir basshysy Semeı qalasyna kelip, soǵys ardagerleriniń úılerin aralap, merekemen quttyqtady.
Danıal Ahmetov brinshi Rashıda Hasanovany quttyqtady. Ol 1932 jyly 14 naýryzda dúnıege kelgen. Segizinshi synypty aıaqtaǵan soń kitaphanashy bolyp jumys istegen.
Eki jyldyq muǵalimder ınstıtýtyn aıaqtaǵannan keıin sol ýaqyttaǵy Jańasemeı aýdanynyń Bulaq aýylyna joldama aldy.
Sodan keıin pedagogıkalyq ınstıtýttyń fızıka-matematıka fakýltetine oqýǵa qabyldanǵan.
Instıtýtty aıaqtaǵan soń Túrksib mektebine oqý isiniń meńgerýshisi laýazymyna joldandy.
Segizjyldyq mektepte dırektor laýazymynda jumys atqardy. 1973-1988 jyldary muǵalimderdiń biliktiligin arttyrý ınstıtýtyn basqardy.
«Qurmet belgisi» ordenimen, «Eńbek ardageri», «Eren eńbegi úshin» medaldarymen, oblys jáne qala ákimderiniń gramotalarymen, «KSRO bilim berý isiniń úzdigi», «Uly Otan soǵysynyń ardageri» tósbelgilerimen marapattalǵan.
Sodan keıin oblys ákimi 97 jastaǵy soǵys ardageri Matveı ıÝrchenkonyń úıine baryp, izgi tilegin bildirdi.
Matveı ıÝrchenko 1925 jyly 20 tamyzda dúnıege kelgen. 1943 jyldyń 8 naýryzynda Krasnoıarsk ólkesiniń Mınýsınskıı aýdandyq áskerı komıssarıatymen ásker qataryna shaqyrtylǵan.
1943-1945 jyldary 229 atqyshtar polki qatarynda Ekinshi Ýkraına maıdanynda shaıqasqan. Erligi úshin ІІ dárejeli «Otan soǵysy» ordenimen jáne «Erligi úshin», «Germanııany jeńgeni úshin» medaldarymen marapattalǵan.
Budan bólek, ShQO ákimi Jeńis kúnimen 96 jastaǵy soǵys ardageri Asqar Rahymbaevty quttyqtady.
Ol 1941 jyly Aqsýat aýdandyq áskerı komıssarıaty arqyly áskerge shaqyrtylǵan. 378 áskerı bólimniń qatarynda Shyǵys maıdanynda shaıqasqan.
Rýmynııany, Brasheva jáne Mısheldi fashıstik Germanııadan azat etýge qatysqan.
Jaýyngerlik erligi úshin «Otan soǵysy» ordenimen, «Germanııany jeńgeni úshin», «Minsiz eńbegi úshin», «Eńbek ardageri» medaldarymen marapattalǵan. Ardagerdiń 10 bala, 27 nemere, 43 shóbere, 2 shópshegi bar.
Oblys basshysy soǵys ardagerlerin jáne tyl eńbekkerlerin Jeńis kúnimen quttyqtap, zor densaýlyq, uzaq ǵumyr tiledi jáne bir jarym mıllıon teńgeniń sertıfıkatyn, turmystyq tehnıka jáne azyq-túlik kárzeńkesin tabystady.
