ShYU sammıti aıasynda eki mańyzdy qujat ázirleý josparlanǵan - Qytaı syrtqy ister mınıstri

ASTANA.KAZINFORM - Qytaı Shanhaı yntymaqtastyq uıymynyń (ShYU) kezekti tóraǵasy retinde 100-den astam is-shara ótkizedi. Bul týraly búgin «eki ssessııa» aıasynda ótken brıfıngte QHR Syrtqy ister mınıstrliginiń basshysy Van I aıtty, dep habarlaıdy Kazinform tilshisi.

- Bıyl kúzde Qytaı Tıantszın qalasynda ShYU sammıtin ótkizedi, onda ShYU elderiniń basshylary teńiz jaǵasynda sátti tájirıbelerdi qorytyndylaý, damý josparyn belgileý jáne yntymaqtastyq boıynsha konsensýsty ázirleý úshin bas qosady, - dedi QHR Syrtqy ister mınıstri.

Onyń aıtýynsha, Qytaı ShYU tóraǵasy retinde saıasat, qaýipsizdik, ekonomıka jáne gýmanıtarlyq salalarǵa arnalǵan 100-den astam kezdesýler men is-sharalar ótkizedi.

Qytaıdyń Shanhaı Yntymaqtastyq Uıymyna tóraǵalyǵynyń basty taqyryby – «ShYU-nyń turaqty damý jyly». Onyń barysynda eki mańyzdy qujat ázirleý josparlanǵan: Sammıt Deklaratsııasy men ShYU-nyń kelesi kezeńge arnalǵan damý strategııasy.

Shanhaı yntymaqtastyq uıymy – 2001 jyly maýsymda Shanhaıda Qazaqstan, Qytaı, Qyrǵyzstan, Reseı, Tájikstan jáne Ózbekstan qurǵan aımaqtyq uıym. Búgingi tańda ShYU-ǵa 10 múshe memleket, eki baqylaýshy memleket jáne 14 dıalogtyq seriktester kiredi.

Buǵan deıin Qytaıdyń ShYU-ǵa tóraǵalyǵy kezinde qandaı sharalar ótetini týraly habarlanǵan bolatyn.