Shıpajaıǵa jalǵan joldama usynyp, 12 shymkenttikti aldaǵan alaıaq ustaldy

ASTANA. QazAqparat – Shıpajaıǵa jalǵan joldama usynyp, 12 shymkenttikti aldaǵan alaıaq Almatydan ustaldy, dep habarlaıdy QazAqparat Túrkistan oblysy PD baspasóz qyzmetine silteme jasap.

Saıram aýdandyq polıtsııa basqarmasyna Shymkent qalasynyń turǵyny aryzdanady. Áıeldiń aıtýynsha, ol jalǵan jarnamaǵa aldanyp qalǵan. Aqsýkent aýylyndaǵy shıpajaılardyń birine 10 kúnge demalysqa shaqyrǵan habarlandyrýǵa senip, 100 myń teńge aýdarǵan. Atalǵan jaıt QR QK-niń 190-baby (Alaıaqtyq) boıynsha tirkeýge alyndy.

Túrkistan oblysy PD Krımınaldyq polıtsııa basqarmasy men Saıram aýdandyq tártip saqshylarynan jedel tergeý toby qurylyp, qajetti izdestirý sharalary júzege asyryldy. Nátıjesinde kúdiktiniń jeke basy anyqtaldy. Jedel ýákilder jasyrynyp júrgen kúdiktini Almaty qalasyndaǵy jaldamaly páterlerdiń birinen ustap, polıtsııaǵa jetkizdi. Ol Tólebı aýdanynyń turǵyny, buryn alaıaqtyq deregimen sotty bolǵan jas qyz bolyp shyqty.

Belgili bolǵanyndaı, kúdikti jalǵan jarnama arqyly Shymkenttiń 12 turǵynyn aldaǵan. Qazirgi tańda tergeý amaldary júrip jatyr.