Shyńjańda drondar túıe baǵyp júr
ASTANA. KAZINFORM – Qytaıdyń Shyńjań ólkesi Baıynǵolyn oblysyndaǵy shóldiń kindiginde baqtashylar 11 qarasha kúni 10 myń túıeni úıirden bólý jumysyna kiristi, dep habarlaıdy «Halyq gazeti» basylymy.
Qytaılyq BAQ-tyń keltirgen deregine súıensek, atalǵan óńirde 200-den astam túıege jergilikti malshylar spýtnıktik ornyn kórsetý chıpterin taǵyp, túıelerdi ártúrli topqa bólip, sıgnaldar arqyly naqty ýaqytynda olardyń jaıylyp júrgen ornyn dál bilip otyrady.
Sonymen qatar dron tehnologııasy da keńinen qoldanylyp, kóptegen malshy dron arqyly mal jaıýǵa kóshken.
Jergilikti baqtashynyń aıtýynsha, olar oısyl qara tuqymyn baǵýdy ońtaılandyrý úshin úıirdi bastaıtyn túıelerge júrgen ornyn kórsetý chıpterin taǵyp, olardy uıaly telefondaryna jelilik sıgnaldar arqyly qabyldaı alady. Sol arqyly malshylar úıinde jatyp-aq túıelerdiń qaıda jaıylyp júrgenin bile alady.
Bul zamanaýı tásil mal baǵýdyń tıimdiligin aıtarlyqtaı jaqsartqan.
