Shyńjańda 5,0 baldyq jer silkinisi boldy

BEIJІŃ. KAZINFORM – Shyńjań-Uıǵyr avtonomııalyq aýdany (Qytaıdyń soltústik-batysy) Aqsý ýezindegi Kýcha qalasynda magnıtýdasy 5,0 baldyq jer silkinisi boldy.

Qytaı seısmologııalyq jelileri ortalyǵynyń habarlamasyna sáıkes, jer silkinisi sársenbi kúni Beıjiń ýaqytymen saǵat 07:42-de tirkelgen.

Qytaı ortalyq telearnasynyń habarlaýynsha, zardap shekkender men qıraýlar týraly málimet joq. Oqıǵa ornyna izdeý-qutqarý toptary shyqty.

Shyńjańnyń osy aımaǵyndaǵy tirshilikti qamtamasyz etý nysandary shtattyq rejımde jumys istep jatyr.

Habarlamaǵa sáıkes, jer silkinisi epıtsentriniń baǵyty 41,23 soltústik endikte, 83,74 gradýs shyǵys boılyqta ornalasqan.

Tereńdigi – 10 shaqyrym.

Buǵan deıin kúshti jer silkinisi qaýpine baılanysty turǵyndar men týrıster Santorınıdi tastap ketkenin jazǵanbyz.