Shymkenttiń Qarataý aýdanyna jańa ákim taǵaıyndaldy
ShYMKENT. KAZINFORM – Budan bylaı bul qyzmetti Almas Emeltaıuly Abaev atqarady.
Qazaqstan Respýblıkasy Prezıdenti Ákimshiliginiń jáne qalalyq máslıhattyń kelisimimen, qala ákiminiń ókimine sáıkes, Shymkent qalasy Qarataý aýdanynyń ákimi laýazymyna Almas Emeltaıuly Abaev taǵaıyndaldy.
Almas Emeltaıuly 1990 jylǵy 11 jeltoqsanda Shyǵys Qazaqstan oblysy, Aıagóz qalasynda týǵan, qazaq, bilimi joǵary. Qazaq ınnovatsııalyq gýmanıtarlyq-zań ýnıversıtetin jáne Italııada Tor Vergata ýnıversıtetin bitirgen, mamandyǵy boıynsha biliktiligi qarjy, quqyq, memlekettik satyp alý salasyndaǵy halyqaralyq magıstr.
Eńbek jolyn 2010 jyly Qazaqstan Respýblıkasy Ádilet mınıstrliginiń Qylmystyq atqarý júıesi komıtetiniń «Eńbek-Aqmola» fılıalynda memlekettik satyp alý mamany bolyp bastady.
2011-2022 jyldary jeke sektorda jáne ortalyq memlekettik organdarda jaýapty basshylyq qyzmetter atqardy, al 2022-2023 jyldary Abaı oblysynyń memlekettik satyp alý basqarmasynyń basshysy boldy.
2023 jyldyń qarasha aıynan bastap Shymkent qalasynyń memlekettik satyp alý basqarmasynyń basshysy laýazymynda eńbek etti.
Aıta keteıik, budan buryn belgili jýrnalıst Qyzylorda qalasy ákiminiń orynbasary bolyp taǵaıyndalǵanyn jazǵan bolatynbyz.