Shymkenttiń ındýstrııalyq aımaǵynda sý tarıfteri tómendetildi

ASTANA. KAZINFORM — Qalalyq prokýratýra tabıǵı monopolııa sýbektileriniń tarıfteriniń negizdiligin taldaý barysynda «Ordabasy ındýstrııalyq aımaq» JShS-niń taratý jelileri arqyly sý berý jáne sý burý boıynsha kórsetiletin qyzmetter kóleminiń ulǵaıǵanyn anyqtady.

Vedomstvo baspasóz qyzmetiniń málimetinshe, kórsetiletin qyzmetter kóleminiń ósýi monopolıst tarapynan bekitilgen tarıftik smetada kózdelmegen qosymsha tabystyń alynýyna ákep soǵady.

Prokýrorlyq qadaǵalaý aktisi boıynsha monopolıst úshin sý berý jáne sarqyndy sýlardy burý qyzmetterine arnalǵan jańa tarıfter men tarıftik smetalar bekitildi.

— Nátıjesinde 96 tutynýshy úshin sýmen jabdyqtaý qyzmetteriniń tarıfi 21%-ǵa (190,68 teńgeden 149,16 teńgege deıin 1 m³ úshin), al sý burý tarıfi 43%-ǵa (131,49 teńgeden 74,86 teńgege deıin 1 m³ úshin) tómendetildi. Qabyldanǵan sharalarmen ındýstrııalyq aımaqtyń 96 qatysýshysynyń quqyqtary qorǵalyp, bul óz kezeginde olar óndiretin ónimniń ózindik qunyn tómendetýge múmkindik berdi, — delingen habarlamada.

Prokýratýra atalǵan baǵyttaǵy jumys jalǵasatynyn atap ótti.

Buǵan deıin Túrkistan oblysynda jabdyǵy urlanǵan ındýstrıaldy aımaq jumys istemeı turǵanyn jazǵanbyz.