Shymkentte jasóspirim sýǵa batyp ketti

ShYMKENT. KAZINFORM-Qaıǵyly oqıǵa búgin saǵat 14:50 shamasynda Badam ózeninde boldy. 

Shomylýǵa ruqsat etilmegen jerde sýǵa túsken 2010 jyly týǵan jasóspirim batyp ketti. Qutqarýshylar onyń denesin sýdan alyp shyqty. Oqıǵanyń mán-jaıy anyqtalyp jatyr.

— Tek arnaıy ruqsat etilgen jaǵajaılarda shomylyńyz. Mas kúıde sýǵa túspeńiz. Balalardy qaraýsyz qaldyrmańyz. Qatty aǵysty, laıly jáne tereńdigi belgisiz jerlerden aýlaq bolyńyz. Qaýipti oıyndarǵa (sý astyna tartý, ıterý, sekirý) jol bermeńiz. Qutqarý quraldaryn qoldanyńyz, — delingen Shymkent qalasy Tótenshe jaǵdaılar qyzmeti taratqan aqparatta. 

Aıta keteıik, budan buryn Shymkentte er adam naýqasty soqqyǵa jyǵyp, aýrýhanada polıtsııaǵa qarsylyq bildirgen.