Shymkentte jańa týǵan sábıdiń máıiti tabyldy

Shymkent polıtsııasy kináli adamdy anyqtaýǵa baǵyttalǵan barlyq qajetti is-sharany júrgizip jatyr, dep habarlaıdy Kazinform. 

Sábıdiń denesi «Nursat» shaǵyn aýdanyndaǵy kóp qabatty turǵyn úılerdiń mańynan tabylǵan. Atalǵan jaıt boıynsha QR QK 100-babymen qylmystyq is tirkeldi.

«Qarataý aýdany Polıtsııa basqarmasynyń 102 arnasyna jańa týǵan balanyń máıiti tabylǵany týraly habarlama tústi. Qazirgi tańda polıtsııa qyzmetkerleri kináli tulǵany anyqtaýǵa baǵyttalǵan barlyq qajetti is-sharalardy júrgizýde», - delingen Shymkent qalasy Polıtsııa departamentiniń baspasóz qyzmeti taratqan aqparatta.