Shymkentte taksıge mingen eki adam tabylmaı jatyr

ShYMKENT. KAZINFORM - «Alash» bazary aldynan taksıge mingen qyz ben jigit joǵalyp ketti. 

Áleýmettik jelide taraǵan aqparatqa súıensek, Shubarsý aýylynyń 17 jastaǵy turǵyny Ermekbaı Araılym Erbolqyzy túngi saǵat 23:00 shamasynda Shymkentten aýylyna qaıtpaq bolyp «Alash» bazarynyń aldynda taksıge otyrǵan. Sodan keıin telefony sónip, habarsyz ketken.

Búginde Shymkent qalasy polıtsııa departamentiniń qyzmetkerleri habar-osharsyz joǵalǵan qyz týraly aryz boıynsha izdestirý is-sharalaryn júrgizip jatyr.

- Іzdeý jumystaryna Shymkent qalasy polıtsııa departamentiniń keshendi kúshteri men quraldary jumyldyryldy. Aýdandyq bólimderdiń jeke quramy men kórshi óńirlerdiń polıtsııa departamentterine baǵdar joldandy, - delingen Shymkent qalasy polıtsııa departamentiniń baspasóz qyzmeti usynǵan aqparatta. 

Arada birneshe kún ótkende dál osy jaǵdaı qaıtalanyp otyr. Bul joly 20 jastaǵy Edilbek Báıdibek Aqmyrzauly Ordabasy aýdanynan Shymkentke kelgen. Kólik júrgizý kýáligin almaq bolǵan ol, sharýalary bitken soń «Alash» bazary aýmaǵynan taksıge otyrady. Degenmen, jigit úıine jetpegen. Telefony da sóndirýli tur. 

Atalǵan jaǵdaıǵa baılanysty Shymkent qalasy polıtsııa departamentiniń baspasóz qyzmeti izdeý jumystary júrgizilip jatqanyn málimdedi. 

- Joǵalǵan azamat týraly aryz boıynsha polıtseılermen izdestirý sharalary júrgizilýde. Er adamdy anyqtaýǵa baǵyttalǵan jumystarǵa polıtsııa departamentiniń barlyq kúshi jumyldyryldy, - delingen vedomstva aqparatynda. 

Aıta keteıik, budan buryn Shymkentte 6 jastaǵy jetkinshekti azaptap óltirgen týysy 20 jylǵa sottalǵanyn jazǵan bolatynbyz.