Shymkentte taǵy bir jasóspirim joǵaldy
ShYMKENT.KAZINFORM- Úıinen belgisiz baǵytqa shyǵyp ketken bozbala qaıta oralmaǵan.
Áleýmettik jelide taraǵan aqparatqa súıensek, Tannýr Tursynbek esimdi qala turǵyny 21 qańtar kúni úıinen shyǵyp ketken. Sodan beri 16 jastaǵy jósóspirim qaıta oralmaǵan.
Atalǵan jaǵdaıǵa baılanysty Shymkent qalasy polıtsııa departamentiniń baspasóz qyzmeti izdeý jumystary júrgizilip jatqanyn málimdedi.
- Polıtsııa qyzmetkerleri habar-osharsyz, iz-túzsiz joǵalǵandar týraly aryzdar boıynsha olardy anyqtaýǵa baǵyttalǵan jedel-izdestirý is-sharalarynyń keshenin júrgizip jatyr. Іzdeý jumystaryna Shymkent qalasy polıtsııa departamentiniń barlyq kúshteri men quraldary jumyldyryldy, sonymen qatar aýdandyq bólimderdiń jeke quramy men kórshi óńirlerdiń polıtsııa departamentterine baǵdar joldandy, - delingen vedomstva aqparatynda.
Aıta keteıik, budan buryn Shymkentte taksıge mingen eki adam tabylmaı jatqanyn jazǵan bolatynbyz.