Shymkentte tabıǵı gaz tarıfi ózgerdi

ShYMKENT. KAZINFORM – Budan bylaı jeke jáne zańdy tulǵalar men bıýdjettik uıymdar taýarlyq gazǵa kóbirek tóleıtin boldy.

«QAZAQGAZ AIMAQ» AQ Shymkent fılıalynyń habarlaýynsha, ózgeristerdi Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń departamenti bekitken.

Taýarlyq gazdy satýdyń jańa baǵalary qosylǵan qun salyǵy men tasymaldaý tarıfterin eskere otyryp belgilengen.

Endi 1000 tekshe metr gazdyń quny:

- halyqqa – 40 470,18 teńge;

- zańdy tulǵalarǵa – 44 204,44 teńge;

- bıýdjettik uıymdarǵa – 42 948,38 teńge,

- ataýly nemese turǵyn úı kómegin alatyn halyqtyń áleýmettik osal toptaryna – 30 386,81 teńgeni quraıdy.

Aıta keteıik, budan buryn Shymkenttegi sý jelileriniń 50 paıyzy tozǵandyǵyn jazǵan bolatynbyz.