Shymkentte shuńqyrdan 7 jastaǵy balanyń denesi tabyldy

ShYMKENT. KAZINFORM-Oqıǵa «Turan-1» móltekaýdanynda boldy.

Jergilikti turǵyndardyń aıtýynsha, shuńqyr kópqabatty úılerge arnalǵan septık úshin birneshe jyl buryn qazylǵan. Keıin qurylys toqtaǵan sátte, beti ashyq kúıinde qaraýsyz qalǵan. Onyń tereńdigi 2, uzyndyǵy 50 metrge jýyq.

Atalǵan jaǵdaı boıynsha polıtsııa qylmystyq is qozǵady.

— Polıtsııa ólimge qatysty qylmystyq is qozǵady. Sot-medıtsınalyq saraptama taǵaıyndaldy. Oqıǵanyń mán-jaıyn anyqtaýǵa baǵyttalǵan birqatar jedel-izdestirý sharalary júrgizilip jatyr, - delingen Shymkent qalasy polıtsııa departamentiniń baspasóz qyzmeti usynǵan aqparatta.

Aıta keteıik, budan buryn Shymkentte polıtsııa qyzmetkerin kóligimen súırep ketken júrgizýshi 7 jylǵa sottalǵanyn jazǵan bolatynbyz.