Shymkentte stadıon mańynan ótip bara jatqan jasóspirimge sadaq jebesi tıdi

ShYMKENT. KAZINFORM – Qalanyń ortalyq stadıonynda bolǵan oqys oqıǵa saldarynan kámeletke tolmaǵan bala jaraqat aldy. 

Oqıǵa múgedektigi bar adamdarǵa arnalǵan sadaq atý sektsııasynyń jattyǵý kezinde bolǵan. Jebelerdiń biri traektorııasynan aýytqyp, jattyǵý alańynan shyǵyp ketken. Sol sátte stadıon mańynan ótip bara jatqan jasóspirimge jebe tıgen.

– Ortalyq stadıon aýmaǵyndaǵy atalǵan sektsııada sadaqpen atý kezinde bir jebe baǵytynan taıyp, alań syrtyna ushyp ketken. Nátıjesinde ol stadıon janyna ótip bara jatqan balaǵa tıgen, - dedi Shymkent qalalyq polıtsııa departamentiniń baspasóz hatshysy Baǵlan Isataeva. 

Jaraqat alǵan bala dereý aýrýhanaǵa jetkizildi. Dárigerler onyń jaǵdaıy turaqty ekenin, ómirine qaýip joq ekenin málimdedi.

Qazirgi tańda polıtsııa atalǵan derek boıynsha qylmystyq is qozǵap, oqıǵanyń naqty sebepterin anyqtaýǵa kiristi.

Aıta keteıik, budan buryn Shymkentte marıhýana ósirýmen aınalysqan turǵyn ustalǵanyn jazǵan bolatynbyz.