Shymkentte polıtseıdi pyshaqtaǵan kúdikti ustaldy

ASTANA. KAZINFORM- Shymkent qalasynda belgisiz er adam tártip saqshysyn pyshaqtap ketken. Bul týraly qalanyń Polıtsııa departamenti habarlaıdy. 

«1 qyrkúıekte jol qozǵalysynyń qaýipsizdigin qamtamasyz etý boıynsha qyzmet atqarý barysynda patrýldik polıtsııa polkiniń ınspektoryn arqasynan er adam pyshaqpen urǵan. Kúdikti izin sýytpaı ustalyp, ýaqytsha ustaý ızolıatoryna qamaldy», - delingen baspasóz qyzmeti taratqan habarlamada.

Aqparatta aıtylǵandaı, atalǵan jaıt boıynsha QR Qylmystyq kodekstiń 380-babyna sáıkes «Bılik ókiline qatysty qorqytý nemese kúsh kórsetý áreketteri» qylmystyq is qozǵaldy.

«Kúdikti 12 jylǵa deıin bas bostandyǵynan aıyrylýy múmkin», - deıdi óńirlik PD-dan.