Shymkentte máslıhattyń burynǵy depýtatyna izdeý jarııalandy

ShYMKENT. KAZINFORM — Quqyqtyq statıstıka jáne arnaıy esepke alý organdarynyń portalynda 48 jastaǵy Qýanysh Dáýletálıevti izdeý týraly aqparat jarııalandy. 

Qamqor.gov.kz derekterine sáıkes, Qýanysh Dáýletálıevke qatysty izdeý isi 2 qyrkúıekte Shymkentte tirkelgen.

Ony Turan aýdanynyń polıtsııa basqarmasy izdestirip jatyr. Іzdestirýdi bastaǵan — sot. Kartochkada onyń jeke derekteri, sonyń ishinde týǵan kúni men azamattyǵy, sondaı-aq izdeýmen aınalysatyn organnyń baılanys telefony kórsetilgen.

Shymkent qalasy máslıhatynyń resmı saıtynda Dáýletálıev týraly ómirbaıandyq anyqtama berilgen.

Ol Shymkent qalasynda dúnıege kelgen, № 66 mektepti bitirgen. 2014 jyly Aımaqtyq áleýmettik-ınnovatsııalyq ýnıversıtettiń zań fakýltetin támamdap, zańger biliktiligin alǵan.

Eńbek joly:

— 2000–2009 jyldary — jeke kásipker;

— 2009–2015 jyldary — «Senim-Qurylys» JShS-niń kommertsııalyq ister jónindegi dırektordyń orynbasary;

— 2015 jyldan bastap — «BOINIS KS» JShS dırektorynyń orynbasary;

— máslıhattaǵy «Aýyl» partııasynyń depýtattyq fraktsııasyn basqarǵan.

Shymkent qalalyq sotynyń aqparatyna súıensek, QPK-niń 201-babyna sáıkes qylmystyq istiń mán-jaıyna qatysty málimetter jarııa etýge jatpaıdy.

— Qylmystyq is sotqa deıingi tergeý satysynda bolǵandyqtan, barlyq másele boıynsha tergeý organdaryna nemese prokýratýraǵa júginýdi suraımyz, — delingen sottyń baspasóz qyzmeti usynǵan aqparatta.

Aıta keteıik, budan buryn Shymkentte psıhotroptyq zat daıyndaýǵa áreket jasaǵan adam 8 jylǵa sottalǵanyn jazǵan bolatynbyz.