Shymkentte kýrerden 1 kılogramm esirtki tabyldy
ShYMKENT. KAZINFORM – Esirtki qylmysyna qarsy is-qımyl bólinisteriniń qyzmetkerleri esirtkiniń zańsyz aınalymyna qatysy bar birqatar qylmystyń jolyn kesti.
Іshki ister mınıstrligi «Zań men Tártip» qaǵıdatyn júzege asyryp jatyr.
— Shymkent qalasynda 25 jastaǵy azamat ustaldy. Odan esirtki jáne sıntetıkalyq esirtkilerdi ótkizýge arnalǵan zattar tárkilendi. Onyń aıtýynsha, ol esirtki taratýmen aınalysyp, ınternet-esirtki dúkeni úshin oraýshy ári kýrer qyzmetin atqarǵan. Tárkilengen esirtkiniń jalpy salmaǵy bir kılogramǵa jýyq. Kúdikti ustalyp, ýaqytsha ustaý ızolıatoryna qamaldy, — dedi ІІM esirtki qylmysyna qarsy is-qımyl komıteti tóraǵasynyń orynbasary Danııar Meıirhan.
Aıta ketelik Qyzylorda oblysynda iri kólemde esirtki saqtaý jáne taratý faktileri anyqtalǵan edi.