Shymkentte kásipkerlerdi bopsalaǵan uıymdasqan qylmystyq top ustaldy
ShYMKENT. KAZINFORM – Іshki ister mınıstrligi óńirlerdegi qylmystyq toptardyń zańsyz áreketteriniń jolyn kesý boıynsha keshendi jumysty jalǵastyryp jatyr. Bul týraly Polisia.kz jazdy.
Jyl basynan beri Shymkentte aýyr jáne asa aýyr qylmystar jasaýǵa qatysy bar osyndaı 10-nan astam top ustaldy.
8 qazanda uıymdasqan qylmysqa qarsy kúres basqarmasy jedel is-sharalardyń nátıjesinde oıyn-saýyq mekemelerine qylmystyq qamqorshylyq kórsetken jastar tobyn ustady. Olardyń bopsalaýǵa, buzaqylyqqa jáne qarýdy zańsyz saqtaýǵa qatysy bolǵany týraly málimetter alyndy. 11 qazanda Shymkent kásipkerlerin bopsalaýǵa qatysy bar basqa qylmystyq toptyń músheleri ustaldy. Olar ózderiniń qylmystyq qamqorlyǵy úshin úsh mıllıon teńgege deıin alǵan. Kelispegen jaǵdaıda fızıkalyq jáne moraldyq qysym jasaǵan. Osy faktiler boıynsha ishki ister organdaryna barlyǵy 35 fıgýrant jetkizildi, 100-den astam tintý sharalary júrgizildi. Qarý-jaraq pen oq-dári tárkilendi.
– Aıta ketý kerek, jyl basynan beri Shymkent qalasynda qylmystyq toptardyń jolyn kesý barysynda 30-dan astam atys jáne travmatıkalyq qarý, onyń ishinde bir Kalashnıkov avtomaty, 15 sholaq myltyq, 11 tapansha, eki vınchester jáne myńnan astam oq-dári tárkilendi. Óńirlerde “zań jáne tártip” qaǵıdatyn qamtamasyz etý boıynsha jumys erekshe baqylaýda, – dedi ІІM uıymdasqan qylmysqa qarsy departamentiniń ókili Qýandyq Alpys.
