Shymkentte esirtki jarnamasyn taratqan turǵyn 3,3 jylǵa sottaldy

ShYMKENT. KAZINFORM — Shymkentte tyıym salynǵan saıttardyń siltemesin kóshelerge jazyp, taratqan turǵyn ustaldy, dep habarlaıdy qalalyq prokýratýra.

Baqylaýshy organnyń bastamasymen júzege asyrylyp jatqan «Quqyqtyq tártip jáne tazalyq» jobasy aıasynda kommýnaldyq qyzmetterdiń «Tazalyq saqshylary» quqyq buzýshylyqpen kúreste belsendi kómek kórsetip keledi.

Olardyń qyraǵylyǵynyń nátıjesinde qala kóshelerine esirtki zattaryn satatyn ınternet-dúkenderdiń jarnamasyn jazyp júrgen 28 jastaǵy azamat ustalǵan.

- Tergeý barysynda er adam qarjylyq qıyndyqtarǵa tap bolyp, Telegram messendjeri arqyly kúmándi «qosymsha tabys» týraly habarlandyrýǵa kelisim bergeni anyqtaldy. Belgisiz tapsyrys berýshiden nusqaý alǵan ol túngi ýaqytta trafaret pen aerozoldi boıaý arqyly tyıym salynǵan siltemelerdi jazǵan, - delingen aqparatta.

Sot úkimimen ol Qylmystyq kodekstiń 299-1-baby 2-bóligi boıynsha úsh jyl úsh aıǵa bas bostandyǵynan aıyryldy.

Prokýratýra ókilderi kúdik týdyratyn graffıtı, jarnama nemese basqa da áreketterdi baıqasańyz, 102 nómirine habar berýge keńes beredi.

Aıta keteıik, Shymkentte qumar oıynǵa áýestengen memqyzmetshiler jumystan bosatylyp jatyr.