Shymkentte eń tómengi jáne ortasha jalaqy qansha

Ortalyq kommýnıkatsııalar qyzmetinde ótken brıfıngide Shymkent ákimi Ǵabıt Syzdyqbekovke turǵyndardyń tabysy týraly suraq qoıyldy, dep habarlaıdy Kazinform.

«Shymkent ákiminiń aılyǵy qaladaǵy eń tómengi jalaqy alatyndardan qanshalyqty kóp?» dep surady BAQ ókili.

Ǵabıt Syzdyqbekov shymkenttikterdiń arasyndaǵy eń tómengi aılyq qansha ekenin aıtqanymen óz eńbekaqysynyń kólemi týraly jaq ashpady.

«Aılyǵymnyń qansha ese kóp ekenin birden aıta almaımyn. Shataspaý úshin sanap aıtý kerek shyǵar. Biraq men de qyzmetimdi eń tómengi jalaqydan bastaǵam. Ol kezdese, shataspasam, 18 myń teńge aılyq alatynmyn. Qaladaǵy ortasha jalaqy 270 355 teńge bolyp otyr. Meniń aılyǵym qansha ese joǵary ekenin qosymsha sizge bereıik. Biraq qazir eń tómengi jalaqy — 70 myń teńge. Biz bıýdjet esebinen qarjylandyrylatyn mekeme jumysshylarynyń aılyǵyn kezeń-kezeńimen kóterip jatyrmyz. Qazir onyń ishinde tómengi jalaqy 100 myń teńgeden bastalady», — dedi Shymkent ákimi.