Shymkentte eń bıik tý 100 metrlik bıikke kóterildi
ShYMKENT. KAZINFORM — Shymkentte Respýblıka kúnine oraı qaladaǵy eń bıik tý tuǵyryna memlekettik tý kóterildi. Bıiktigi — 100 metr.
Saltanatty rásimge megapolıs ákimi, qalalyq máslıhat depýtattary, quqyq qorǵaý organdarynyń basshylary, ataqty sportshylar, BAQ ókilderi jáne qaladaǵy jastar qaýymy qatysty.
Qala turǵyndaryn aıtýly oqıǵamen quttyqtaǵan qala ákimi Ǵabıt Syzdyqbekov «Tulip Hall» kesheniniń janynda ornalasqan jańa maqtanysh pen birlik nyshany qala turǵyndary men qonaqtary úshin taǵy bir sáýlet nysanyna aınalatynyn atap ótti.
Kólemi 30×15 metrlik úlken týdy qalanyń ár núktesinen kórýge bolady. Saltanatty sharaǵa jınalǵan turǵyndardyń aıtýynsha, kókke kóterilgen tý birlik pen maqtanysh sezimin týdyryp, barshany bir tý astyna jınaıtyndaı áser qaldyrady.
Búgin sondaı-aq Almatyda Respýblıka kúnine oraı Memlekettik tý kóterildi.