Shymkentte bokstan halyqaralyq týrnır bastalady

ASTANA. KAZINFORM – 29 qyrkúıekte Shymkentte Keńes Odaǵynyń batyry Qaraqozy Ábdalıevti eske alýǵa arnalǵan bokstan erler arasynda halyqaralyq týrnır jalaýyn kóteredi.

Jarysqa Qazaqstannyń barlyq aımaǵynan jáne birneshe elden 150 boksshy qatysady dep kútilýde.

Osymen 43-shi ret ótetin bedeldi básekeniń Qazaqstan boksshylary úshin bıyl orny bólek bolmaq. Sebebi, dál osy sharshy alańda Azııa chempıonatyna quram qarastyrylady.

Jarysqa kez kelgen aımaqtan, kez kelgen boksshy qatysa alady. ıAǵnı, bul – Ashyq týrnır.
Týrnır 5 qazanda máresine jetedi.

Eske salsaq, Almatydaǵy boks keshinde Danııar Eleýsinovtiń qarsylasy jekpe-jekti aıaqtaı almady.

Qazaqstandyq boksshy Danııar Eleýsinov (11-0, 6 KO) uzaq ýaqyt úzilisten keıin rıngke oraldy.
Ol Almatyda ótken boks keshinde fılıppındik Djo Noınaımen (23-4-2, 11 KO) judyryqtasty.
fılıppındik birinshi jáne tórtinshi raýndtta nokdaýn aldy.

Danııar Eleýsinov óziniń kásibı mansabyndaǵy on ekinshi jeńisine qol jetkizip, WBC Peace beldigin jeńip aldy. Al Djo Noınaı besinshi ret jeńiliske ushyrady.