Shymkentte bazarlardyń birinde órt shyqty
ShYMKENT. KAZINFORM. Shymkentte «Akbar» bazaryndaǵy 6 saýda orny órtenip ketti. Oqıǵa shildeniń 1-inen 2-sine qaraǵan túni bolǵan.
«101» basqarý pýltine órt týraly habarlama saǵat 2.35-de kelip túsken. Qyzyl jalyn 400 sharshy metr aýmaqty sharpyp úlgergen.
Oqıǵa ornyna kelgen órt sóndirýshiler bazar aýmaǵyndaǵy 6 dúńgirshek jáne «Mersedes Sprınter» markaly eki kóliktiń ishinara órtengenin anyqtaǵan.
Shaqyrtý ornyna qalalyq TJD Órt sóndirý qyzmetiniń jeke quramynan 93 adam jáne 29 tehnıka, Apattar medıtsınasy ortalyǵy fılıalynyń brıgadasy, sondaı-aq Jedel-qutqarý jasaǵy qyzmetiniń qyzmetkerleri men tehnıkasy jumyldyryldy.
«Qyzyl jalyn saǵat 5.07-de tolyqtaı sóndirildi. Aldyn ala boljam boıynsha órttiń shyǵýyna elektr symdarynyń qysqa tuıyqtalýy sebep bolǵan. Zardap shekkender men qaza tapqandar joq», -delingen TJD málimetinde.
