Shymkentte Atambaı, Musa, Múslim atty úshem dúnıege keldi
ShYMKENT. KAZINFORM - №2 qalalyq aýrýhanaǵa qarasty perzenthana dárigerleri merziminen buryn týǵan sábılerdi kútip-baptap búgin shańyraǵyna shyǵaryp saldy.
Nargıza Áshirmetovany dárigerler 2 aqpan kúni kesir tiligi arqyly bosandyryp alǵan.
31 jastaǵy qala turǵynynyń bul — tórtinshi ret qursaq kóterýi.
Úshemge júkti ekenin jas ana júktiliginiń alǵashqy aptasynda bilgen.
33 aptada, ıaǵnı aıy-kúni tolmaı týylǵan sábılerdiń ókpesi durys damymaı týǵan nárestelerdiń úsheýi birdeı jasandy tynys alý apparatyna qosylǵan.
Perzenthana dárigerleriniń qatań baqylaýynda bolǵan nárestelerdiń árqaısysy osy ýaqyt ishinde 2 keliden asa salmaq qosqan.
Úshemdi ata anasy Atambaı, Musa, Múslim dep ataǵan.
Densaýlyq jaǵdaıy jaqsarǵan úshem men anasyn dárigerler búgin syılyq tabys etip, úıine shyǵaryp saldy.
Aıta keteıik, jyl basynan beri qalada 4911 sábı dúnıege kelgen. Onyń 2493 — ul bala bolsa, 2418 — qyz bala.
Egizderdiń sany 50-ge jetip, eki úshem ómir esigin ashqan.
