Shymkentte qala ákiminiń orynbasary Rýslan Berdenovke qastandyq jasaldy

ShYMKENT. KAZINFORM — Qala ákiminiń orynbasary Rýslan Berdenov jaraqat alyp, aýrýhanaǵa tústi. 

Shymkent qalasy polıtsııa departamentiniń aqparatyna súıensek, 2025 jylǵy 21 sáýirde Shymkent qalasy ákimdigi ǵımaratynyń mańynda atys qarýyn qoldaný faktisi tirkelgen. 

Aldyn ala málimetterge sáıkes, kúdikti sheneýnikke qaraı úsh ret oq atqan. Oqıǵa saldarynan ákimdik qyzmetkeri jaraqat alyp, aýrýhanaǵa jetkizilgen.

— Kúdikti ustalyp, ýaqytsha ustaý ızolıatoryna qamaldy. Atalǵan fakti boıynsha qylmystyq is qozǵalyp, tergeý amaldary júrgizilip jatyr, - delingen vedomstvo aqparatynda.

Eske sala keteıik, buǵan deıin Rýslan Berdenovtiń aqpan aıynyń sońynda Shymkent qalasy ákiminiń orynbasary qyzmetine taǵaıyndalǵanyn jazǵan bolatynbyz.