Shymkentte 22 tamyzdan bastap eki kóshe jabylady

ShYMKENT. KAZINFORM – Syrym batyr kóshesinde 29 tamyzǵa deıin, al Sattarhanov kóshesiniń bir bóliginde 25 tamyzǵa deıin kólik qozǵalysy shekteledi, dep habarlaıdy Kazinform tilshisi.

22 tamyzdan bastap Shymkentte A-2 aınalma joly men Syrym batyr kóshesiniń qıylysynda qurylys-montaj jumystary bastalady. Osyǵan baılanysty atalǵan aýmaqta 29 tamyzǵa deıin kólik qozǵalysy shekteledi. 

Sonymen qatar 22 tamyzdan bastap B.Sattarhanov kóshesiniń – Abat kóshesinen Ashýrhodjaev kóshesine deıingi bóliginde úsh kúnge kólik qozǵalysy jabylady. Joldy jóndeý jumystaryn aıaqtaý 25 tamyzǵa josparlanǵan. 

– Ýaqytsha qolaısyzdyqtar úshin keshirim suraımyz. Jóndeý jumystaryna baılanysty aınalma joldardy aldyn ala josparlaýdy júrgizýshilerdiń qaperine salamyz. Túsinistik tanytqandaryńyzǵa rahmet, - dep habarlady qalalyq jolaýshylar kóligi jáne avtomobıl joldary bólimi. 

Eske sala keteıik, buǵan deıin Shymkentte A-2 tas jolynyń bir bóligi bir aıǵa jabylatynyn habarlaǵan bolatynbyz.