Shymkentte 10 oqýshy burysh spreıinen ýlanyp qaldy
ShYMKENT. KAZINFORM - Shymkentte 10 oqýshy spreıden ýlanyp qaldy. Qazir tekserý jumystary júrgizilýde. Bul týraly Shymkent qalasy bilim basqarmasynyń baspasóz qyzmeti málimdedi.
Oqıǵa búgin saǵat 12:25 shamasynda boldy. Jekemenshik «Zere» mektebiniń 10-synyp oqýshysy oınap júrip burysh spreıin (pertsovyı ballonchık) terezege qarata shashqan. Sodan ózge oqýshylar ózderin jaısyz sezine bastapty.
«Mektepten 10 oqýshy óziniń mazasyz sezinýine baılanysty alǵashqy medıtsınalyq kómek kórsetilip, jedel járdem kómegimen Shymkent qalalyq toksıkologııalyq aýrýhanasyna jetkizildi. Oqys jaǵdaıdan keıin oqýshylar úıine qaıtaryldy. Qazir jaǵdaı boıynsha tekserý jumystary júrgizilýde. Qazirgi ýaqytta mektep ǵımaraty zararsyzdandyrylǵan. Mektepte oqý protsesi 1 aýysymda júrgiziletin bolǵandyqtan, oqý erteń jalǵastyrylady» - delingen basqarma tarapynan usynylǵan aqparatta.
Al, burysh spreıin (pertsovyı ballonchık) mektepke ákelgen oqýshylar aldyn ala tergep-tekserý úshin Turan aýdandyq polıtsııa bólimine zańdy ókilderimen jetkizildi.
