16:42, 12 Naýryz 2024 | GMT +6
Shymkent kóshelerin sý basty
ShYMKENT. KAZINFORM – Shymkentte tolassyz jaýǵan jańbyrdyń saldarynan qala joldary sýǵa tolyp qaldy.
Qazir Tótenshe jaǵdaılar departamentiniń qyzmetkerleri sý tartý jáne baǵytyn burý jumystaryn júrgizip jatyr. Bul baǵytta 14 adam, 4 tehnıka, 7 motopompa jumyldyrylǵan.
Vedomstvo málimetine súıensek, turǵyn úılerdi sý basý jáne zardap shekkender men ǵımarattardyń qıraýy sekildi jaǵdaılar tirkelmegen.
«Qazgıdromet» boljamyna súıensek, erteń de Shymkentte jaýyn-shashyn bolyp, sońy qarǵa ulasýy múmkin. Tipti, túnde kún sýytyp kóktaıǵaq, tuman bolýy yqtımal. Soltústik-batystan soqqan jeldiń ekpini 15-20 metr sekýndqa deıin jetpek.
