Shymkent qalasy ákiminiń apparatyn kim basqarady
ShYMKENT. KAZINFORM – Ákimdiktiń aıtýynsha, Shymkent qalasy ákiminiń apparaty basshysy laýazymy ázirge bos tur.
Darhan Myrzaqulov Shymkent qalasy ákiminiń apparaty basshysynyń mindetin atqarýshy bolyp taǵaıyndaldy. Buǵan deıin Darhan Úmitbekuly ákim apparaty basshysynyń orynbasary qyzmetin atqarǵan.
Darhan Myrzaqulov 1987 jyly Túrkistan oblysynda dúnıege kelgen. Qazaq ulttyq agrarlyq ýnıversıtetin «Memlekettik basqarý» jáne «Quqyqtaný» mamandyqtary boıynsha támamdaǵan.
20.09.2010 – 27.03.2012 jyldar aralyǵynda Almaty qalasy Jetisý aýdany ákimi apparatynyń abattandyrý bóliminiń jetekshi mamany;
27.03.2012 – 15.09.2016 jyldar aralyǵynda Almaty qalasy Jetisý aýdany ákimi apparatynyń abattandyrý bóliminiń bas mamany;
15.09.2016 – 26.01.2018 jyldar aralyǵynda Almaty qalasy Jetisý aýdany ákimi apparatynyń abattandyrý bóliminiń basshysy;
26.01.2018 – 03.09.2019 jyldar aralyǵynda Almaty qalasy Jetisý aýdany ákiminiń kómekshisi,
04.09.2019 – 06.10.2020 jyldar aralyǵynda Almaty qalasy ákimi apparatynyń uıymdastyrý jáne baqylaý jumysy bóliminiń bas mamany;
08.10.2020 – 31.07.2022 jyldar aralyǵynda Almaty qalasy ákimi apparatynyń uıymdastyrý jáne baqylaý jumysy bóliminiń bas ınspektory;
01.08.2022 – 09.11.2023 jyldar aralyǵynda Almaty qalasy ákimi apparatynyń uıymdastyrý jáne baqylaý jumysy bóliminiń basshysy;
09.11.2023 jyldan bastap búgingi kúnge deıin Shymkent qalasy ákimi apparaty basshysynyń orynbasary bolyp eńbek etti.
Aıta keteıik, budan buryn Erjan Seıtenov Shymkent qalasy ákiminiń orynbasary bolyp taǵaıyndalǵanyn jazǵan bolatynbyz.