Shymkent ákimdiginiń burynǵy basqarma basshysy 3,5 jylǵa sottaldy

ShYMKENT. KAZINFORM- Shymkent ákimdiginiń burynǵy basqarma basshysy 3,5 jylǵa sottaldy. Bul týraly Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń basshysy Dáýren Erǵarın málimdedi.

«Shymkent qalalyq sotynyń qylmystyq ister jónindegi sot alqasy Shymkent qalasy boıynsha jolaýshylar kóligi jáne avtomobıl joldary basqarmasynyń burynǵy basshysy Muhtar Qoqanbaevty laýazymdyq ókilettikterin teris paıdalanǵany úshin kináli dep tanyp, oǵan 3,5 jyl merzimge bas bostandyǵyn shekteý túrindegi jaza taǵaıyndady», dep jazdy Dáýren Erǵarın Facebook paraqshasynda.

Aıta keteıik, megapolıstiń áleýmettik mańyzy bar baǵyttary boıynsha jolaýshylar tasymalyn sýbsıdııalaýǵa járdemdeskeni úshin JShS ókilinen 13 mln teńge alý kezinde Sybaılas jemqorlyqqa qarsy qyzmet ustaǵan M. Qoqanbaevty birinshi satydaǵy sot aqtaǵan bolatyn.