Shymbulaqta sheteldik týrıster janjal shyǵardy
ALMATY. KAZINFORM – Almatynyń taý-shańǵy kýrortynda janjal shyǵarǵan sheteldikterdi tártip saqshylary ustady.
Áleýmettik jelide «Shymbulaq» kýrortynda bolǵan tóbelestiń beınejazbasy tarady. Kýrort ákimshiliginiń málimetinshe, masań kúıde sheteldik týrıster «Shymbulaq» qyzmetkerlerimen janjal shyǵarǵan.
— Sheteldik qonaqtar toby mas kúıinde taý shańǵy mektebiniń qyzmetkerlerimen janjal shyǵardy. Kıkiljińdi kýrorttyń qaýipsizdik qyzmeti toqtatty. Quqyqbuzýshylar tártip saqshylaryna berildi. Oqıǵaǵa baılanysty dereý ishki tekserý júrgizildi, sondaı-aq belgilengen qaýipsizdik standarttaryna sáıkes qajetti sharalar qabyldandy, — dep habarlady «Shymbulaqtyń» baspasóz qyzmeti.
Sonymen qatar kýrort ákimshiliginiń málimetine sáıkes, tóbelestiń týyndaýyna kassırdiń jumys ornynan ýaqytsha ketip qalýy sebep bolǵan. Qyzmet kórsetý ýaqytynyń uzaqtyǵyna ashýlanǵan sheteldikter ózge qyzmetkerlerge qol jumsaǵan. Almaty qalasynyń Polıtsııa departamenti bul oqıǵaǵa baılanysty barlyǵy 5 adam ustalǵanyn málimdedi.
— Medeý aýdandyq polıtsııa basqarmasy buzaqylyq deregi boıynsha qylmystyq is qozǵady. Osy qylmysty jasady degen kúdikpen bes adam qamaýǵa alyndy. Olar ýaqytsha ustaý ızolıatoryna qamaldy. Basqa da mán-jaǵdaılary anyqtalyp jatyr, — dep habarlady polıtsııadan.
Eske salaıyq, buǵan deıin elimizde 4237 sheteldik zańsyz taksı qyzmetin atqarǵanyn jazǵanbyz.