Shymbulaqta 26 qarashadan bastap syrǵanaýǵa bolady

ALMATY. KAZINFORM – Erteń Shymbulaq taý-kýrortynda qysqy maýsymnyń tehnıkalyq ashylýy bolady.

Shymbulaq taý-kýrortynyń baspasóz qyzmeti 26 qarashadan bastap Sol jaq Talǵar jáne jańadan bastaýshylarǵa arnalǵan: Aq qonjyq, Jylan jáne Aq barys trassalarynda syrǵanaýǵa bolatynyn málimdedi.

- Negizgi jalǵa berý aýmaǵy men maýsymdyq lokerler Medeý bazalyq stantsııasyna kóshirilgenin eske salamyz. Shymbulaq stantsııasynda kúndelikti formatta zat saqtaýǵa arnalǵan uıashyqtar bar, - dep habarlady kýrorttan.

Eske salaıyq, byltyr 23 qarashada kýrorttyń tehnıkalyq ashylýy boldy. Al 7 jeltoqsan kúni Shymbulaq taý-shańǵy kýrortynda resmı túrde qysqy maýsym ashyldy.

Al 2025 jyldyń 13 sáýirinde syrǵanaý maýsymy jabyldy.

Buǵan deıin Shymbulaqqa elektrli kólikterdiń kirýine shekteý qoıylýy múmkin ekenin jazǵanbyz. «Medeý» memlekettik óńirlik tabıǵı parkiniń málimetinshe, jumys kúnderi jol bógetinen orta eseppen 300-den 400-ge deıin elektrokólik ótedi, al demalys kúnderi bul san 700-ge deıin jetedi. Aıyna shamamen 15 myń kólik tirkeledi.