Shymbulaq aspajolynda adamdar qalyp qoıdy — TJD-nyń arnaıy operatsııasy
ALMATY. KAZINFORM — Almaty qalalyq Tótenshe jaǵdaılar departamentiniń qyzmetkerleri «Shymbulaq» taý-shańǵy kýrortynda aspaly jolynda kabınalarda qalǵan adamdardy evakýatsııalaý boıynsha biregeı operatsııa júrgizdi.
Tótenshe jaǵdaılar departamenti baspasóz qyzmetiniń habarlaýynsha, oqý-jattyǵý sátti ótti. Stsenarıı boıynsha demalýshylar elektr qýatynyń úzilýine baılanysty, aspaly jolda qalyp qoıdy.12 metr bıiktikte turyp qalǵan kabınada tórt adam bolǵan. Týrısterdi úsik shalyp, olar óz betinshe áreket jasaı almady.
«Úsh bólimsheniń qutqarýshylaryna bir saǵattyń ishinde birden úsh kabınanynyń ishinen evakýatsııalaýdy júrgizý sııaqty qıyn tapsyrma berildi. Sodan keıin alǵashqy medıtsınalyq kómek kórsetý arqyly olardy qaýipsiz tasymaldaý», — dep atap ótti TJD.
Qutqarýshylar qoıylǵan tapsyrmany 30 mınýtta oryndap shyqty. TJM Respýblıkalyq jedel-qutqarý jasaǵy, ákimshiliktiń 109 «Qutqarý qyzmeti» MKQK, «Shymbulaq» TShK shańǵy patrýli — úsh bólimsheniń shtatynda kóptegen adam ómirin qutqarǵan tájirıbeli alpınıst-qutqarýshylar qyzmet etedi.
Aıta keteıik, qalanyń 8 aýdanynda 3 oqý ornynda qysqy kezeńinde der kezinde Tótenshe jaǵdaıǵa den qoıýǵa arnalǵan praktıkalyq is-shara pysyqtaldy.
Qys-2024 tájirıbelik jattyǵýlarǵa 262 adam jáne 77 birlik tehnıka jumyldyryldy.