Shildedegi ınflıatsııa 0,3 paıyzdy qurady
Agenttik málimetine qaraǵanda, baǵa azyq-túlik taýarlaryna ótken aıda 0,1 paıyz, aqyly qyzmetterge - 0,9 paıyzǵa ósti, al azyq-túlik emes taýarlaryna 0,1 paıyzǵa tómendedi. Sondaı-aq, ótken aıda baǵanyń tómendeýi jumyrtqaǵa 3,9 paıyzdy, jarmalarǵa - 3, qantqa - 1,1 paıyz, jańa jınalǵan kókónisterge - 0,8 paıyz, kúnbaǵys maıyna - 0,5 paıyz, kúrishke 0,4 paıyzǵa tirkeldi. Budan bólek, baǵanyń kartopqa 2,6 paıyz, jańa jınalǵan jemisterge - 0,6 paıyz, toqash jáne unnan daıyndalatyn kondıterlik ónimderge - 0,4 paıyzǵa, et, balyq jáne teńiz ónimderine, alkogolsiz sýsyndar men alkogoldik ishimdikterge - 0,3 paıyzdan, makaron ónimderine 0,2 paıyzǵa joǵarylaýy belgilendi.
Al turǵyn jaılardy aǵymdaǵy kútip ustaý men jóndeýge arnalǵan materıaldarǵa baǵa 1 paıyz, jeke kútimge arnalǵan taýarlarǵa - 0,4 paıyz, úı turmysyna qajetti zattarǵa - 0,3 paıyz, kıim jáne aıaq kıim, kitaptar, gazetter men jýrnaldarǵa 0,2 paıyzdan ósken. Dızel otyny 4,7 paıyzǵa, benzın 3,1 paıyǵa arzandady.
Sonymen qatar, baǵa deńgeıi kólik qyzmetterine 4,8 paıyz, densaýlyq saqtaý, shashtarazdar men jeke qyzmet kórsetý oryndary - 0,5 paıyzdan, demalys, oıyn-saýyq jáne mádenıet, balabaqsha - 0,4 paıyzdan, qonaq úı 0,3 paıyzǵa ósti. Turǵyn úı-kommýnaldyq qyzmetter salasynda tarıfter taratý jelileri boıynsha tasymaldanatyn gazǵa, ortalyqtan jylytýǵa, turǵyn úıdi kútip ustaýǵa 0,6 paıyz, al ystyq sýǵa 0,5 paıyzǵa artty.