Shildede elimizde qansha baspana satyldy

ASTANA. QazAqparat – Ulttyq statıstıka bıýrosy shilde aıynda elimizde qansha baspana satylǵanyn málim etti, dep habarlaıdy QazAqparat.

Ótken shilde aıynda baspanany satý-satyp alý boıynsha 34 225 mámile jasalǵan. Onyń ishinde 8 781-si jeke úıler, 25 444-i páterler boıynsha.

2023 jyldyń maýsym aıymen salystyrǵanda (29 880) turǵyn úıdi satý-satyp alý 14,5% artqan.

Baspana naryǵyndaǵy saýda-sattyq boıynsha kósh bastap turǵan óńirler:

- Astana qalasy (6 675 – 19,5%),

- Almaty qalasy (5 217 – 15,2%),

- Qaraǵandy oblysy (3 118 – 9,1%)

Satý-satyp alý kelisimderi eń az jasalǵan óńir:

- Ulytaý oblysy (425 – 1,2%).

Shildede 1 bólmeli páterler joǵary suranysqa ıe bolǵan. Barlyǵy 25 444 mámileniń 9 779-y osyndaı úıler boıynsha jasaldy. Saýdanyń negizgi úlesi Astana (25,8%), Almaty (18,3%) qalalaryna jáne Qaraǵandy oblysyna (10%) tıesili.

Sondaı-aq ótken aıda maýsym aıymen salystyrǵanda jeke turǵyn úılerge suranys 11,3% artyp, 8 781 kelisim jasalǵan. Oń kórsetkish elimizdiń barlyq óńirinde baıqaldy.

Jalpy bıylǵy shildede ótken jyldyń tıisti kezeńimen salystyrǵanda satyp alý 12,6% artqan. Ol kezde 30 393 mámile jasalǵan bolatyn. Eń joǵarym ósim kórsetkishi Astana qalasynda (52%-ǵa) tirkeldi.