Shilde aıyndaǵy kúnkóristiń eń tómengi deńgeıi 16 979 teńgeni qurady - Statıstıka agenttigi

ASTANA.  1 tamyz. QazAqparat -Elimizde 2012 jylǵy shilde aıynda kúnkóristiń eń tómengi deńgeıiniń shamasy 16 979 teńgeni qurady.

Bul týraly QR Statıstıka agenttiginen habarlandy.  

Atap aıtqanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2012 jylǵy shildede ótken aımen salystyrǵanda 1,2 paıyzǵa tómendegen.  Degenmen, bul kórsetkish 2011 jyldyń shildesimen salystyrǵanda 2,2 paıyzǵa ósip otyr.

Onyń qurylymynda et pen balyqty satyp alýǵa jumsalǵan shyǵystardyń úlesi 23 paıyzdy, sút, maı jáne toń maı ónimderi men jumyrtqany satyp alý 15,3 paıyz, jemister men kókónister - 12,1 paıyz, nan jáne jarma ónimderin satyp alý 7,4 paıyz, qant, shaı jáne dámdeýishterdi satyp alý 2,2 paıyzdy qurady.