Shıkizattyq emes eksportty arttyrýda qazaqstandyq ekonomıkanyń áleýeti zor – Dosaev

ALMATY. QazAqparat – QR Ulttyq bankiniń tóraǵasy Erbolat Dosaev eksportty ártaraptandyrý men ımporttyń ornyn otandyq taýarǵa aýystyrý máselesin sóz etti, dep habarlaıdy QazAqparat tilshisi.

«Valıýtalyq naryqtyń balansynyń saqtalýy úshin eksportty ártaraptandyrýdyń mańyzy óte joǵary. Importtan keletin taýardardyń ornyn otandyq óndirispen tolyqtyrý kerek. Bıyl 9 aıda tólem balansynyń aǵymdaǵy shotynyń tapshylyǵy 4,7 mlrd dollarǵa jetken. ıAǵnı, ımport 12,2%-ǵa ósken. Bul eń aldymen TShO, Qashaǵan, «Sary-Arqa» gaz qubyry, Almaty Úlken aınalma joly, «Hıýndaı» avtozaýyty sııaqty iri ınvestıtsııalyq jobalardy júzege asyrý úshin qajetti qural jabdyqty satyp alýmen baılanysty boldy. Bizdiń taldaý boıynsha, el ekonomıkasynda ımporttyń ornyn basýda ári shıkizattyq emes eksportty ósirýde úlken áleýet bar», - dedi Erbolat Dosaev Almatyda ótken «Qazaqstan qarjylyq naryǵy men naqty ekonomıkalyq sektory» konferentsııasynda.

Onyń aıtýynsha, ekinshi deńgeıli bankterdiń ekonomıkanyń naqty sektoryn nesıeleý kórsetkishin ulǵaıtý Ulttyq banktiń basty mindetteriniń biri bolyp qala bermek.