Shyǵystústimet kenshileri: Referendým — jaýapty tańdaý
ASTANA. KAZINFORM — Qazaqstanda respýblıkalyq referendým ótedi. Onyń barysynda azamattar Konstıtýtsııaǵa ózgerister engizý máseleleri boıynsha óz pikirin bildiredi. Kópshilik úshin bul jaı ǵana naýqan emes, sanaly azamattyq tańdaý ári el bolashaǵyna áser etý múmkindigi.
Osy oraıda KAZ Minerals Tobyna qarasty «Shyǵystústimet» JShS qyzmetkerleri de óz ustanymdaryn bildirdi. Olar kúndelikti jumysynda jaýapkershilik pen ózara senimge súıenip eńbek etip keledi.
Taý-ken sheberi Temirlan Islamhanov jeke jaýapkershilik qaǵıdaty óndiriste ǵana emes, qoǵamdyq ómirde de mańyzdy ekenin atap ótti:
— Bizdiń jumysymyzda usaq-túıek bolmaıdy — ár adamnyń is-áreketi qaýipsizdikke jáne ortaq nátıjege áser etedi. Biz óz sheshimderimiz úshin jaýap berýge úırengenbiz.
Referendým da — dál sondaı jaýapty tańdaý. Shet qalmaı, kelip daýys berýdi mańyzdy dep sanaımyn. Bul — meniń el bolashaǵyna qosqan úlesim. Barshańyzdy da osyǵan shaqyramyn, — dedi ol.
Osyndaı pikirdi «Shyǵystústimet» JShS basqarý pýltiniń operatory Tatıana Boıarınova da qoldaıdy:
— Óndiriste jumys isteı otyryp, ár adamnyń áreketi men seniminiń qanshalyqty mańyzdy ekenin tereń túsinesiń. Ortaq nátıje — árqaısymyzdyń úlesimiz. Azamattyq ustanymdy bildirý — bul da jaýapkershilik. Men mindetti túrde daýys berýge kelip, óz tańdaýymdy jasaımyn. Ár adam belsendi bolyp, beıjaı qalmaýy kerek dep oılaımyn, — dep oıyn ortaǵa saldy.
Belsendilik, jaýapkershilik jáne beıjaı qalmaý — tek óndiriste ǵana emes, el ómirinde de mańyzdy. Sondyqtan kásiporyn qyzmetkerleri referendýmǵa qatysýdy qajet dep sanap, ózge azamattardy da olardan úlgi alýǵa shaqyrady.