Shyǵys Qazaqstandaǵy jylý ortalyqtarynda maman tapshy
Shyǵys Qazaqstan oblysyndaǵy jylý elektr ortalyqtarynda maman tapshylyǵy sezilýde. Onyń ishinde byltyr qaıta-qaıta apat bolǵan Rıdderdegi JEO da bar, dep habarlaıdy Kazinform.
Jylý elektr ortalyǵyndaǵy maman tapshylyǵy máselesin sheshý úshin qandaı sharalar atqarylyp jatqandyǵyn búgin Óskemen qalasy turǵyndarymen kezdesken ShQO ákimi Ermek Kósherbaev aıtyp berdi.
«Maman jetispeýshiligi seziletin ekonomıka sektorlaryn bilikti kadrlarmen qamtamasyz etý úshin dýaldy oqytý júıesi belsendi túrde engizilýde. Oblystaǵy 41 kolledjdiń 28-i osy baǵdarlama boıynsha jumys isteıdi. Máselen, bıyl stýdentter Sogra, Óskemen jáne Rıdder jylý elektr ortalyqtarynda kásiptik oqýdan ótip jatyr», - dedi ol.
Stýdentterge aı saıyn qolǵa 200 myń teńge jalaqy tólenýde. Osylaısha, tájirıbe jınaqtaǵan olar oqý bitirgen soń birden jumyspen qamtylady.
