Shyǵys Qazaqstanda taǵy da jer silkindi

ÓSKEMEN. KAZINFORM – Shyǵys Qazaqstan oblysy Kúrshim aýdanynda jer silkinisi tirkeldi. 

Qazaqstan ulttyq derekter ortalyǵynyń málimetine súıensek, Shyǵys Qazaqstan oblysynda 28 tamyzda saǵat 7:54-te jer silkindi. Naqty aıtqanda, Kúrshimnen ońtústik-shyǵysqa qaraı 7 shaqyrym jerde tirkeldi.

Magnıtýdasy – 4,5.

Aıta keteıik, 23 shilde kúni saǵat 15:37-de Shyǵys Qazaqstan jáne Abaı oblystarynda jer silkingen bolatyn.

TJM «Seısmologııalyq zertteý ınstıtýty» JShS dereginshe, sol kezde Abaı oblysy Kókpekti aýdany Kókpekti aýylynda 4 ball, Jarma aýdany Qalbataý aýylynda 4 ball, Shyǵys Qazaqstan oblysy Samar aýdany Samar aýylynda 4 ball, Ulan aýdany Qasym Qaısenov kentinda 4 ball, Óskemen qalasynda 4 ball jerasty dúmpýleri tirkelgen.